Duha ka mga ekipo sa usa ka plantasyon sa Bukidnon, gisunog sa nagpailang mga NPA

37

Gisunog sa nagpailang mga New People’s Army kon NPA ang duha ka mga ekipo nga iya sa Davao Agriculture Ventures Company, Inc. (DAVCO) sa Barangay San Nicolas, Don Carlos, Bukidnon.

Sa interview sa RMN Malaybalay ngadto kang Cpt. Ryan Layug, ang Civil Militrary Operations Officer ug spokesperson sa 403rd Infantry Brigade, gibutyag niini nga nahitabo ang pagpangatake sa mga armadong grupo alas 8 kagabie sa mao nga dapit.

Matud ni Cpt. Layug nga niabot ang mao mga armadong grupo sa plantasyon area sakay sa 6 ka mga motorsiklo.

Gihulga matud pa ang mga trabahante ug gi-anunsiyo nga sila miyembro sa NPA dayon gibubuan ug gasoline ug gisunog ang usa ka Camico 633 usa ka pineapple harvesting equipment.

Dali matud pa nangayo ug tabang ang DAVCO authorities ngadto sa Don Carlos Municipal Police Station nga dali usab nga nireposnse sa mao nga dapit.

Nasayran nga gikuhaan pa ug cellphone ang mga security guard nga nag-duty sa mao nga plantasyon.

Sigun ni Cpt. Layug nga apil sa gisunog ang usa ka backhoe. Nisibat gilayon matud pa ang mga suspek paingon sa Purok 10, Don Carlos nga karsada nga nagkonekta sa Sitio Buklata, Barangay Camp 1 lungsod sa Maramag.

Sa karon padayon ang gihimong hot pursuit operation sa militar batok sa maong mga suspetsado.

Facebook Comments