Duha ka mga empleyado sang hospital, arestado sa buy –bust operation sang PDEA 12.

25

Arestado sa magseparar nga buy-bust operation ang duha ka mga contractual nga empleyado sang Sarangani Medical Center sang gintingob nga pwersa sang PDEA kag PNP sa Alabel, Sarangani kag General Santos City sang Agosto 23 subong nga tuig.
Alas 3:40 sang hapon naaresto si Reu Karl Lacaba Acebedo, 28-anyos , Administrative Aide (Admitting Staff) kag residente sang Purok Fatima, Brgy. Maribulan, Alabel, Sarangani Province.
Nakumpiskar sa buy-bust operation ang 6 ka sachets sang suspected shabu may kabug-aton nga more or less 0.2 gram kag nagakantidad sang P1,360.00 kag P500.00 buy-bust money.
Samtang pagka-alas 7 sang gab-i sa follow-up operation nga ginpatigayon sa Purok 2, Brgy. Buayan, General Santos City sa ginaaligar source sang illegal drugs ni Acebedo, naaresto naman si Tupas Jr, alias Sam*, *32, Administrative Aide (Ambulance Driver) kag residente sang San Antonio Village, Koronadal City, South Cotabato.
Nakumpiskar naman sa iya ang 3 ka sachets sang ginapatihan shabu, may kabug-aton nga more or less 0.3 gram kag nagakantidad sang P2,040.00.
Ang mga lugar naman sang operasyon sang duha ang sa bahin sang Gensan, Alabel kag kaiping nga lugar sa Sarangani Province.
Kaso naman nga pagbayolar sa Section 5 kag 11 sang Article II, RA 9165 ang ginpasaka batok sa mga suspek.

Facebook Comments