Duha ka mga estudyante sa UIC nidawat sa DXDC Excellence Award 2018

63

Davao City – Gitunol karon sa DXDC 621 RMN Davao ang Plaque of Recognition,
Medal of Excellence ug “Saludo mi nimo Kasama Special Gift packs ngadto
kang Jackilou Balbiran ug Ella Leen Kate Legarda pulos mga Communication
Art students gikan sa Liberal Arts Program sa University of Immaculate
Conception atol sa gipahigayong Recognition Program sa UIC Bajada campus.

Sumala ni Balbiran dakong kalipay ang iyang gibati isip siya ang natudlong
hatagan sa maong pasidungog.

Samtang si Legarda naninguha nga daghan pang mga kabataan madasig sama
kanila nga maningkamot nga muhuman og eskwela.

Kini na ang ika-upat ka tuig nga nihatag ang DXDC og pasidungog sa mga
graduates gikan elementarya, sekondarya ug kolehiyo.

Lauman nga aduna pay mga tulunghaan sa Elementarya ug Sekondarya ang
tunulan sa RMN Davao sa DXDC EXCELLENCE AWARD 2018.

Sumala ni RMN Davao Special Projects head Misel Miral tumong niining tinuig
nga aktibidad aron hatagan og rekognisyon ug pasidungog ang mga nigradwar
nga nahimong maayong ehemplo ngadto sa mga kabataan ingon man ang paghatag
og pasidungog sa kahagu ug dedikasyon sa ilang mga ginikanan.

RadyoMaN Aimee Guinita

Facebook Comments