Murcia, Negros Occidental – Gibawi-an sang ila kabuhi ang duha ka mga kabataan matapos nga nagkalalumos sadtong Sabado sang hapon sa Purok Urban, Barangay Lopez Jaena, banwa sang Murcia.
Suno kay P/Sr .Insp. Hector Balbon, ang mga biktima ang ginkilala nga sanday kay Ern Herida, 25 anyos kag Jobert Francisco, 15 anyos ,lunsay residente sang Barangay Santa Cruz, Murcia.
Nahibaluan nga ang mga biktima ang nagpaligo upod ang siyam pa nila ka mga kaabyanan kag himata apang hinali lamang nagbaskog ang current sang tubig kag gin-anod ang mga ini sang nagadalodo sang tubig tubtob nalumos ang mga biktima.
Ginhingagaw pa dala ang mga biktima sa Bacolod Adventist Medical Center apang gindeklarar nga dead on arrival si Herida. Makaligad naman ang pila ka oras, ginbawi-an man sang kabuhi si Francisco. /dyHB-Bacolod
