Davao City – Gitabangan og dunggab ug bukbok ang duha ka mga lalaki sa may Bago Aplaya, alas-3 sa kadlawon niadtong adlawng Sabado.
Mga biktima naila sa pangalang Jonathan Manilapus Arindain, 34 anyos, tricycle driver nga taga Calinaya Homes, Bago Aplaya ug Jun Rey Idpan Ayala, 25 anyos, tricycle driver nga taga Samantha Homes, Bago Gallera ning syudad samtang ang suspek mao Johiden Rey Trumpeta Bustamante, 24 anyos, construction worker nga nakapuyo sa Bago Aplaya Davao City kuyog ang wala pa mailhing mga suspek.
Base sa rekord sa kapulisan, samtang ang duha minaog sa depasaheroang jeep kalit giduol si Ayala sa suspek dayong gibukbok ang ulo ug gidunggab og ice pick katulo nga higayon sa likod nga bahin sa iyang lawas.
Misulay og tabang si Arindain ngadto kang Ayala apan gibukbok usab ang ulo niini hinungdan nga naangol usab kini sa maong insidente.
Ang mga biktima daling gidala sa balay tambalanan samtang padayon ang Talomo PNP sa pagdakop sa mga suspetsado.
RadyoMaN Abi Bibera
