Tukuran, Zamboanga del Sur – Pulos nadala sa balay tambalanan ang duha mga biktima sa pagpangluba nga nahitabo didtung dapita sa Purok Alibangbang, Brgy. Santo Niño, Tukuran, Zamboanga Del Sur alas 9:30 sa buntag June 19, 202.
.Ang mga biktima mao silang Eljay Contenido Redolusa, 23 anyos residente sa Barangay Rebukon, Dumalinao, Zamboanga del Sur ug Rekwen Jimeno Cabalida, 20 anyos, residente sa Purok Lacturan sakop ning Syudad sa Pagadian.
Giluba sa suspek nga nagngalan og Arnel Bendanillo Lobo, 38 anyos, lalake, minyo, residente sa Barangay Motosawa, Dumalinao, Zamboanga Del Sur.
Sa imbestigasyon nasayran nga ang mga biktima ang nangatulog fishing boat (Tapay-tapay), sa dihang nimata ug nagkuha ug kutsilyo ang suspek dayon sa walay langan nidunggab sa mga biktima.
Ang mga biktima ang nakahiagom ug mga igo nilubaan sa ilang dughan ug ilok rason nga gidala sa balay tambalanan.
Nadakpan ra usab ang suspek sa mga meresponde nga kapulisan sa Tukuran Municipal Police Station.
