Patay ang duha ka mga lalaki human kini gipamusil sa wala mailang mga suspetsado alas 8:45 ang takna kagabie sa may Purok 6 B Barangay Santiago ning syudad sa Iligan.
Ang mga biktima nailang si Police Corporal Samuel Banuelos 42 anyos, minyo, miyembro sa PNP nga na assign sa Sagiaran Municipal Police Station ug residente sa Purok 6 B Barangay Santiago ning dakbayan, kinsa naka angkon ug samad pinusilan sa ulo, dughan ug likod. Samtang patay usab ang usa ka Junjun Sanchez, 43 anyos, minyo, nagpuyo sa Banuelos Residence, lumad nga taga Canaway ning syudad nga naka angkon usab ug samad pinusilan sa likod sa iyang ulo, agtang ug kilay.
Sumala sa nakasaksi, nga samtang sila naglakaw pauli, paglabay nila sa panimalay sa biktima, ila nalang nadungog ang pipila ka buto sa pusil. Dali kining midagan paingon sa BPAT outpost ug gi report ang maong insidente.
Daling naghimo ug investigation ang mga sakop sa SOCO diin nakuha sa crime scene ang usa ka cellphone, 5 ka empty shell sa .45 caliber, duha ka deformed bullet ug usa ka buhing bala sa calibre .45.
Ang patayng lawas sa mga biktima ang gidala sa Mary Venus Funral Homes.
Nagpadayon ang imbestigasyon sa kapulisan labot sa maong insidente aron sa pag ila ug pagtultol sa lokasyon sa maong mga suspetsado,
