Roxas City, Capiz – Duha ka mga pangalan ang sa subong nagaguha sa mga interesado nga magpapili bilang presidente ang Philippine Councilors League- Capiz Chapter.
Ini ang ginkumpirmar ni Ex-officio Board Member kag Interim President Bugs Baguio.
Suno diri nga nagasunod ang liga sang “term sharing’ kon sa diin naghalin sa second district ang presidente sang 2016- 2019 kag para sa 2019-2022 ini naman ang magahalin sa first district.
Ang nagaguwa nga mga ngalan sa mga interesado amo sanday Board Member Angela Joy Tupas kag former PCL President Mitch Patricio nga lunsay naghalin sa banwa sang Pilar.
Kon mahibaluan nga sa memorandum nga nabaton ni Baguio, ang eleksyon sang PCL Capiz Chapter ang gintalana sa maabot nga Setyembre 9 sang subong nga tuig.
