President Roxas, Capiz – Pareho nga gindangat sa Bailan District Hospital sa banwa sang Pontevedra ang duha ka mga menor-de-edad matapos napilasan ang mga ini sang gunting alas 11:10 sa Barangay Marita, President Roxas, Capiz.
Ang mga biktima ang nagapang-edaron sang 10-anyos kag anum(6) ka tuig.
Nahibaluan nga una ginhaboy sang gunting sang anum ka tuig nga bata ang 10- anyos nga biktima nga naigo naman sa nawala nga kamut.
Gingabot sini ang gunting kag ginhaboy man sa anum ka tuig nga biktima nga na-igo sa nawala nga porsyon sang abaga.
Suno sa impormasyon, nag-ugat ang insidente matapos nga wala mag-intindihanay ang duha ka mga biktima samtang naga-obra sang burador.
padayon nga ginabulong sa ospital ang mga biktima nga mga menor-de-edad.
