Mahayag, Zamboanga del Sur – Nailhan na ang identipikasyon sa duha ka mga suspetsado nga gitoohang mga gun for hire kinsa napatay sa kapulisan sa Mahayag kaniadtong martes didto sa Prk.Golden Shower,Brgy. San Isidro sakop sa lungsod sa Mahayag ning probinsya sa Zamboanga del Sur.
Positibong giila sa otoridad ang mga napatay nga sila si MAICO MAGNO FERNANDEZ alyas DODONG,29 anyus, taga Purok 3 brgy Sudlon, Molave ug ang kauban niini nga si ANDRESS BISTEL RABUSA alyas TATA 31 anyos, minyo ug lumolupyo sa Prk5, Brgy Gabunon,Tambulig.
Narekober sa crime scene ang usa ka single motor Rusi 125 nga walay plate#, lakip na ang caliber 45 nga pistola, usa ka magazine nga adunay sulod nga 3 ka mga buhing bala, ang usa ka calibre 38 nga revolver ug ang 3 ka mga buhing bala niini.
Sa dugang pagsusi sa tinugyanan sa balaod sa dapit nahitabuan, nakuha sa otoridad ang usa ka dili matinong klase nga basiyo sa bala, usa ka basiyo sa bala sa calibre 9mm, usa ka cellphone, holster, tsinelas ug ang color pula nga bag.
Ang mga nakumpiskang butang ang gidala na sa ZSPPO Crime Laboratory alang sa dugang imbestigasyon samtang ang duha ka mga suspetsado ang gipailalom paraffin testing sa wala pa kini gidala sa usa sa mga puneraria sa lungsod sa Molave.
(Photo courtesy: Bright Channel)
