Duha ka mga persona, dakop sa ginkasa nga drug buy bust operation sa Barangay Baybay, Roxas City!

16

Roxas City, Capiz – Arestado ang duha ka mag- abyan sa ginkasa nga drug buy bust operation sa may Crossing Airport Barangay Baybay, Roxas City.
Ang mga subject person ang nakilala kanday Andrew Patinio, 44- anyos ang pang edaron nga residente sang Barangay IV, Roxas City kag Ramon Reyes, 51- anyos isa ka negosyante kag residente sang Barangay Baybay, Roxas City.
Narekober sa mga ini ang lima (5) ka sachet nga may unod nga suspected shabu, weighing scale, improvised tooter, cellphone kag P3, 000 pesos nga buy bust money.
Nangin madinalag-on ang amo nga operasyon paagi sa ginhugpong nga pwersa sang PDEA- Capiz kag mga katapo sang Station Drug Enforcement Team (SDET) sang Roxas City Police Station.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang amu nga mga persona.

Facebook Comments