Roxas City, Capiz – Arestado ang duha ka mga persona sa ginkasa nga separado nga buy bust operation sang mga kapulisan sa banwa sang Pontevedra kag Panit-an. Alas 7:20 sang gab-i sa Barangay Lantangan, Pontevedra, natigayon nga maarestar ang subject person nga si Eduard Bermejo Sr y Bacolinao, 34-anyos sang Brgy Marita, President Roxas, Capiz. Narekober sa iya ang anum ka sachet sang suspected shabu, 500 pesos nga buy bust money kag isa ka cellphone. Alas 12:03 kaina sang kaaganhon, nadakpan sa isa pa gid ka buy bust operation sa Barangay Salocon, Panit-an ang subject person nga nakilala kay Selfred Tomasa, 19-anyos sang Brgy Adlawan Roxas City. Ang nasambitan nga mga persona ang magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
