Duha ka mga persona nga indi lisensyado magtakod sang braces kag pustiso, dakop sa entrapment operation sang CIDG-Capiz!

64

Roxas City, Capiz- Dakop ang duha ka mga persona sa ginkasa nga entrapment operation sang CIDG- Capiz kahapon nga adlaw sa Barangay Tanque kag Barangay IX, Roxas City.
Ginkilala ang nadakpan nga si Maria Ernestina Villaron y Bornales, 27- anyos kag residente sang Barangay Jolongajog, Pontevedra, Capiz.
Samtang arestado man ang persona nga nagahingalan kay Boy Gadiano Floro y Remegio, 63- anyos ang pang-edaron kag residente sang Pavia Street, Barangay IX, Roxas City.
Ginpahayag sang presidente sang Philippine Dental Association- Capiz Chapter nga si Dr. Jorge Lamier II, nakabaton sang madamo nga mga reklamo ang ila asosasyon natuhoy sa ilegal nga aktibidad sang amu nga mga persona kabangdanan nga nakig-angut sila sa CIDG-Capiz Provincial Office agud nga magkasa sang entrapment operation.
Ang nasambitan nga mga suspek ang magapangatubang sang kaso nga paglapas sa RA 9484 ukon ang Philippine Dental Act of 2007.
Nahibaluan nga una na nga napreso si Floro sa kapareho man nga kaso apang ini ang nakapiyansa.

Facebook Comments