Banga, Aklan – Patay ang duha ka mga persona matapos nagbunggo ang ginamaneho nga motorsiklo sa isa ka bus sa Brgy. Polo, Banga, Aklan.
Ginkilala ang mga biktima nga amo sanday Joey Galagate, 28-anyos, anay katapo sang Philippine Army kag Rogelio Gabais, 38-anyos lunsay mga tumandok sang Brgy. Apero, Tapaz, Capiz.
Suno sa pagpahayag ni Anthony Imbalado, pakaisa sang isa sa mga biktima nga padulong ang mga ini sa banwa sang Libacao agud nga magtambong sa fiesta apang pag-abot sa amo nga lugar, nag-overtake ang mga biktima sa isa pa ka salakyan kabangdanan nga nagbunggo sa kasugata nga bus.
Gintinguhaan pa nga dal-on sa ospital ang mga biktima apang gindeklarar nga dead on arrival bangud man sa mga kapilasan sa lawas tuga sang mabaskog nga impact sang pagkabunggo.
Boluntaryo naman nga nag-surrender sa mga kapulisan sang Banga PNP ang driver sang mini bus (Carl Bryan 1) nga si Nodel Nemiz sang Pampango, Libacao, Aklan matapos ang aksidente.
*(c)DYKR Kalibo*
