Pagadian City—–Kasong Murder ang gipasang-at batok duha ka mga pulis nga nakapusil patay ngadto sa sundalong si Corporal Rodilo Bartolome ilalom sa 53rd Infantry Battalion Philippine Army.
Niadtong Agosto 29, 2017 kasong murder ang gipasang-at sa Criminal Investigation and Detection Group 9 ngadto sa Provincial Prosecutors Office Zamboanga del sur batok kang PO2 Ronald Zeros ug PO1 Michael Bulanday pulos mga pulis sa Munisipyo sa Aurora, Zamboanga del sur.
Ang kasong Murder with NPS Docket no. 1X-09-INV-17H-00415 human migawas sa imbestigasyon sa CIDG-9 ug basis a nakuha nilang CCTV footage sa lugar diin nahitabo ang pagpamusil sa Monte Alegre nga klaro ug tataw ang nahitabong pagpamusil sa duha ka mga pulis nga pulos naka sibilyan atol sa ilang pagrespondi sa lugar.
Gikalipay sab sa asawang si Metchel Bartolome ang dagan sa imbestigasyon aron himpit nga mapasaka og kaso ang duha ka mga pulis nga apan dili una kini mohatag og pamahayag tungod iyaha pa unang ipahilona ang patay’ng lawas sa iyang bana nga gikatakdang ilubong karong adlaw’ng Sabado sa ilang lugar sa Lungsod sa Midsalip. (Mel Coronel/dxpr News Team
