Davao City – Duha ka mga pusher sikop sa kapulisan atol sa gilusad nga buy bust operation sa Buhangin PNP ug Sta. Ana PNP.
Giaresto sa Buhangin PNP si Belly Castro alyas Beloy, 29 anyos ulitawo nagpuyo sa Pigeon St. Mintal Relocation Tugbok District Davao City.
Gipahigayon ang operasyon sa Orchid Road Km.5 Buhangin ning syudad ala 1:12 sa kahapon.
Nakuha sa dinakpan ang tulo ka sachet sa gituohang shabu, buy bust money nga 500.00 pesos ug mga drug paraphernalia.
Samtang sikop usab sa Sta.Ana PNP si Jill Rama Trinidad alyas Jillo 24 anyos nga taga Bonifacio St. Brgy36-D syudad sa Davao.
Nakuha sa dinakpan ang duha ka sachet sa shabu ug mga drug paraphernalia.
Ang duha ka mga suspek balhug na sa prisohan ug mag atubang kini og kasong kalapasan sa R.A 9165 kon Comprehensive Dangerous Drugs Act of 2002.
RadyoMaN Don Pulayao
