Liloy, ZDN-Pangos ug bun-og ang naangkon sa duha ka motorista human kini nagkasabong tunga-tunga sa dalan didto sa may dalang nasyunal, Brgy. Overview, Lungsod sa Liloy, nahitabo kini kagahapon sa kadlawon mga 12:30AM kapin kun kulang.
Sa pag imbistiga sa kapulisan sa mao nga lungsod, naglawig kining duha ka motor sa sa managlahing direksyon nga gilangkuban sa Kawasaki Barako, gimaneho ni Rolando Lendio, empleyado sa Department of Agiculture isip operator, kompleto usab kini sa papeles sa motor.
Uban ni Rolando ang duha angkas nga sila Ranil Rico, mag-uuma ug Junmar Lendio, usa ka panday pulos residente sa San Isidro, Liloy, ZDN.
Samtang ang gikabangga nga motor mao ang Skygo, gimaneho ni Arnel Mabilog, risidente sa Recodo Titay, ZSP, walay mapakitang papeles ug driver’s license.
Migawas usab sa imbistigasyon nga kining dirver sa skygo, gigamhan sa ilimnong makahubog, hinungdan mitpas kini sa laing linya ug didto na aksidente nakapingki ang gikasugat nga motor.
Ang duha ka mga motor anaa una gi impound sa sa Liloy MPS samtang nagapadayon ang imbistigasyon kalabot sa maong hitabo.
