Polanco, ZDN-Dead on arrival sa balay tambalan ang usa ka drayber sa motorsiklo human kini aksidenteng nagkabangga sa lain usab nga motorsiklo, didto kini nahitabo sa Sitio Crusher, Pob. South Polanco, ZDN sa miaging Domingo Enero 27, 2019 sa may 7:58PM.
Gilangkuban kini sa Honda Wave 100 kolor pula nagtangag sa plaka numero KX7101, gimaneho ni Marvin Dapada Maligas, 20 anyos, residente sa may Brgy. Silawe, Polanco ug walay lisensya samtang sakay niini sila si Renze Maligas, 18 anyos ug Dodoy Gore 16 anyos nga taga Bethlehem, Polanco.
Samtang lain pang motorsiklo nga Suzuki Smash gimaneho ni Rey Querante Palalon, 35 anyos, lomulopyo sa Sibaka, Brgy. San Antonio, Polanco, kinsa dead on arrival sa balay tambalanan.
Sa resulta sa imbistigasyon sa kapulisan sa Polanco, ang duha ka mga motorsiklo naglawig kini sa managlahing direksyon ug paghidangat niini sa lugar nahitaboan aksidente kining nagkasungag, nakaangkon ug grabeng pangos ug bali sa nagkadaiyang lawas ang nagmaneho sa Wave 100 samtang ang drayber sa Suzuki Smash nga si Rey Palalon gisulayan pa kini ug dala sa ospital apan gibugtuan na kini sa iyang hinulamang kinabuhi.
