Duha ka nadakpan nga may shabu gin PUM

22

Ginkabig nga Persons Under Monitoring (PUM) ang duha ka mga persona nga nadakpan sa checkpoint sa banwa sang Murcia nga may dala nga suspected shabu.

Pasado las-7:00 sang gab-i sang Marso 30 sang nadakpan sa checkpoint sa Brgy. Minoyan ang mga suspek nga sanday Jomar Apuhin, 34-anyos sang Brgy. Zone 4, Talisay City kag Riza Cañete, 27 sang Purok Consuelo, Brgy. Villamonte, Bacolod City.


Nakuha sa paghinakop sang duha ang 3 ka sachets sang suspected shabu, drug paraphernalia kag 25 ka empty plastic sachets.

Apang sa baylo nga ideretso sila sa selda sang Murcia Municipal Police Station, gin-isolate ang mga ini sa opisina sang Traffic Management sang banwa bangud ginkabig sila nga PUMs may angut sa COVID-19.

Facebook Comments