Davao City – Laing duha ka mga drug pusher ang nasikop sa kapolisan atol sa gilusad nga buy bust operation sa Sta Ana Pnp alas 12:40 sa tungang kagabhion natigayon sa Purok Sabina Barangay 76-A siyudad sa Davao.
Subay sa report gikan Sta Ana Pnp ang mga dinakpan mao sila Marecil Cuña, 32 anyos ug Rolly Amatmat, 39 anyos, usa ka steelman parehong nagpuyo sa nasangpit nga lugar.
Sa dihang gikasa ang operasyon, positibong napalitan og shabu ang mga dinakpan sa usa ka poseur buyer sa kantidad nga 500 pesos.
Narekober gikan sa mga dinakpan ang duha ka rectangular shape heat sealed transparent plastic sachet nga gituohan shabu, laing usa pa ka square shape heat sealed transparent plastic sachet, usa ka unit sa cellphone nga maoy gigamit sa iligal nga transaksiyon.
Balhug na sa Sta Ana PNP ang duruha samtang gihikay na sa kapolisan ang kasong kalapasan sa Akta Republika 9165 kon Comprehensive Dangerous Drugs Act of 2002 batok kanila.
Radyoman Don Pulayao
