Patay ang duha ka subject sa drug buybust operation sangProvincial Drug Enforcement Unit (PDEU) sang Iloilo Provincial Police Office sabrgy. Tuburan, Zarraga kaina sang udto.
Ginkilala ang mga napatay kanday Charles Lubao, 30 anyos,tumandok sang Pontevedra, Capiz kag Billy Juanico sang brgy. Lawa-an, RoxasCity.
Suno kay Police Sr. Insp. Robert Jason Pancha, teamleader sang PDEU, nagpalupok sang iya armas luthang si Lubao sang nahibalu-annga pulis ang iya katransakyon apang maswerte nga wala makaigo gani nagbalosang mga kapulisan.
Nagdalagan palagyo si Juanico samtang nagakuha sanggranada sa sulod sang iya bag apang antes pa man sini nakuha ang safety pin,ini ang naigo na sang kapulisan nga gintuna-an sang iya kamatayon.
Gindeklarar nga patay si Lubao sa Iloilo Provincial Hospitalsa banwa sang Pototan, Iloilo samtang ulihi na madala sa ospital si Juanicobangud sa ginauyatan nga granada.
Nakuha sa bag ni Lubao ang 22 ka sachet sang shabu, cellphones, ID ni Dante Bereber sang Bacolod City kag pistolized nga homemadefirearm nga may bala sang armalite kag may isa ka baseyo sa chamber.
actual photo
