Davao City – Naila na sa militar ang mga patayng lawas sa duha ka mga sakop sa New People’s Army nga namatay sa engkwentro sa Sitio Lanan, Barangay Goma, Digos City, Davao del Sur niadtong Abril 5.
Sumala sa Eastern Mindanao Command nga pinaagi sa mga kanhi rebelde ug rogues gallery sa 39th Infantry Batallion nasuta nga ang mga namatay mao ang Commander sa Guerilla Front 51 nga si Roberto Castellote alyas Enoy ug Secretary sa Guerilla Front 51 nga si Lesly Pulido alyas Camille.
Sa interbyu sa RMN Davao kang 39IB Battalion Commander Lt. Col. Rhojun Rosales nga iturn-over nila ang maong mga patay’ng lawas sa barangay officials aron mahatod sa kini sa ilahang mga pamilya.
Segun ni Rosales nga nihatag og dakong perwisyo ang maong grupo sa mga komunista didto sa mga residente sa maong lugar.
Dugang niini ayha pa nahitabo ang engkwentro nakadawat na og impormasyon ang kasundaluhan gikan sa mga sibilyan nga adunay mga sakop sa mga NPAs nga gaplanong mang-recruit ug mangilkil sa mga residente
Narekober sa 39IB sa encounter site ang usa ka M4 nga rifle nga gibilin sa mga niikyas nga mga laing sakop sa mga NPAs.
RadyoMaN Aimee Guinita
