Duha ka pagpang-ambush sa Talakag, Bukidnon, gikondena sa Police Regional Office 10

Gikondena sa Police Regional Office o PRO 10 ang duha ka gihimong pagpang-ambush sa New Peoples Army o NPA sa Talakag, Bukidnon.

Kini ang gibutyag ni PRO 10 Spokesperson Police Supt. Lemuel Gonda sa interview sa dxCC-RMN.

Unang pagpang-ambush nahitabo niadtong Huwebes sa hapon nga gikamatay sa upat ka bulang batang babaye ug ni SPO3 Arnel Carillo nga sakop sa Bumbaran Municipal Police Station sa Lanao del Sur.


Samaran usab sa insedente ang tulo ka pulis lakip ang Hepe nga si Police Insp. Joven Acuesta ug tulo ka sibilyan.

Samtang kagahapong adlawa, laing pagpang-abush na usab ang gihimo sa NPA batok sa kapulisan sa Talakag, Bukidnon ug Bukidnon Provincial Public Safety Company.

Gipabuthan sa landmine sa NPA ang kapulisan nga miagi sa Sitio Vener, Tikalaan, Takalag, Bukidnon nga maoy nag-imbestigar sa unang pagpang-ambush.

Nagkasinukliay sa bala ang kapulisan ug NPA nga milungtad sa 15 minutos kapin kon kulang.

Hinoon, walay gikareport nga samaran sa ikaduhang insedente.

By: RadyoMaN Annaliza Amontos-Reyes
PC: PRO 10

Facebook Comments