Nadala sa wala mailang kawatan ang mga cellphone, cash ug uban pang importanteng gamit sa duha ka pamilya samtang nangatulog sa tents sa camping site sa Aloma’s Farm, Dahilayan, Manolo Fortich, Bukidnon.
Matud ni Police Lt. Col. Duphaer Chris Cuaresma, ang Chief of Police sa Manolo Fortich Municipal Police Station, nga padayon ang ilang imbestigasyon niini, ilabi na nga walay mga trabahante sa lugar sa nasangpit nga area, tungod kay gipakabasyon sa tag-iya aron sa pagtabo sa bag-ong tuig.
Dugang pa ni Lt. Col. Cuaresma, nga nakuha ang mga gamit pinaagi sa paslaslas sa tent sa mga biktima.
Samtang narekober usab ang mga IDs sa mga biktima sa ubos nga bahin sa lugar.
Samtang possible nga taga diha lang sa area ang suspek sa pagkawat sa mga butang sa mga biktima.
Kini ang gibutyag sa Hepe sa Manolo Fortich Municipal Police Station nga si Police Lt. Col. Duphaer Chris Cuaresma.
Matud ni Lt. Col. Cuaresma nga walay gwardiya ang area, apan plano na sa tag-iya nga butangan, apil na ang pagbutang sa CCTV camera, ilabi na nga nagkadaghan na ang mga tawo nga gabisita sa area.
Kini matud pa ang unang insidente sa pagpangawat nga nahitabo sulod sa nasangpit nga farm.
