Duha ka panimalay ang naugdaw sa nahitabong sunog kagahapon bandang alas 11:24 kapin kun kulang ang takna sa kabuntagon sa may Purok Madasigon 2 Barangay Suarez ning dakbayan sa Iligan.
Matud pa ni FO3 Richard Cartin ang OIC sa investigation section sa Bureau of Fire Porotection Iligan, nga nagsugod ang sunog sa panimalay sa pamilya Lapot diin nadamay usab ang panimalay sa pamilya sa Vilaanueva.
Upat ka firetrucks ang miresponde atol sa maong insidente.
Hinuon walay gikatahong nasamdan o namatay gumikan sa maong sunog.
Na kontrolar sa kabomberohan ang kalayo alas 11: 40 sa buntag ug gideklarang fireout alas 12 na sa udto.
Padayon karon ang imbestigasyon sa BFP labot sa panghitabo samtang gisuta pa kung pilay damyos atol sa maong insidente.
Matud pa ni Cartin, nga sulod sa bulan sa Abril, kini na ang ika unom nga sunog nga ilang narespondihan lakip na niini ang mga grassfires nga nasinati gumikan sa kainit karong panahona.
