Duha ka patrol base sang militar sa banwa sang Lake Sebu, ginsalakay sang NPA.

22

Ginsalakay sang ginapatihan miyembro sang New People’s Army (NPA) ang duha ka patrol base sang AFP/CAA nga nahamtang sa Sitio Lemsual kag Sitio Lemfenik, Barangay Lamfugon, Lake Sebu, South Cotabato pasado alas otso sang nagligad nga gab-i.
Base sa report sang Lake Sebu PNP, ginpaulanan suno pa sang bala ang duha ka patrol base sang 72nd IB sang AFP nga ginapamunuan nanday SSGT Salinda kag CPL Salivio sa nasambit nga lugar sang ginabulubanta 20 ka miyembro nga ginabug-usan sang duha ka grupo sang Platoon Samsung, Guerilla Front 73, Far South Mindanao Region sang CPP/NPA sa pagpanguna ni Alias Ka Dansoy.
Nagdugay suno pa sang pila ka minutos ang bayluhanay sang lupok tubtub nga nag-atras suno pa ang nasambit nga grupo sa wala nahibaluan nga direskyun
Samtang, wala naman sang may napatay ukon nagkarapilasan sa magkatuhay nga grupo.
Ginabulunta nga yara sa lima ka kilometro ang agwat sang duha ka patrol sang base sang militar sa nasambit nga lugar kag 20 kilometro ang kalayuon naman padulong sa Barangay Poblacion sa nasambit nga banwa.

Facebook Comments