Arestado ang duha ka persona sa ginhiwat nga entrapment operation sang mga kapulisan sa pagbaligya sang armas luthang sa banwa sang Dingle, Iloilo.
alas 3:30 kaina sang hapon sang ginpatigayon sang CIDG Iloilo-Guimaras, CIDG 6 kag Dingle PNP batuk sa mga subject nga sanday Romeo Princepe, 36 anyos sang Poblacuon Barotac Viejo kag July Palma, 38 anyos sang barangay Gutao, Dingle, Iloilo.
Gindakop ang duha matapos gindaho nila kay PO2 Erwin Calubayan ang isa ka caliber 40 pistol kabaylo sang 15 mil pesos nga boodle money.
Narecover man sa mga suspek ang 500 pesos nga marked money, isa ka long barrel nga 12 gauge shot gun lakip na ang magazine sini, kag isa magazine sang cal. 40 pistol nga may 18 ka rounds sang live ammos.
Sa karon yara sa custody sang CIDG 6 sanday Princepe kag Palma kagh magapangatubang sang kaso sa paglapas sa R.A. 10591 .
Ang nasambit nga entrapment operation kabahin sang Oplan Paglalansag Omega kag Salikop sang CIDG.
