Panit-an, Capiz- Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang duha k amga persona nga nadakpan sa ginkasa nga drug buy bust operation sa Brgy. Intampilan, Panitan, Capiz.
Ang mga arestado nga subject person ang nakilala kanday Rejay Lanes, 24-anyos, residente sang Brgy. San Jose, Roxas City kag isa ka menor de edad nga lalaki nga residente sang Barangay Daga, Panay, Capiz samtang ang isa sa mga kaupdanan sang mga ini ang nakapalagyo.
Sa ginpatigayon nga inventory, natigayon nga marekober sa mga ini ang kabug-osan nga siyam(9) ka sachet sang suspected shabu, 500 pesos nga buy bust money kag iban pa nga drug paraphernalia.
Narekober man sang operatiba ang isa ka ‘sumpak’ samtang yara na subong na-impound.
