Ramon Magsaysay, Zamboanga del Sur – Duha ka mga priso sa BJMP District Jail nga nakabase sa Ramon Magsaysay ang nakapuga alas-6 kaganihang buntag human nilayat sa 10 feet nga kural sa Jail.
Ang mga nakaikyas mao sila si Danilo Dumandos 47 anyos, ug Nestor Dumandos, 29 anyos pulos residente sa lungsod sa Aurora ug managsama nga dunay kasong murder.
Sa impormasyon nga nakuha sa RMN Pagadian gikan sa Ramon Magsaysay PNP, naligo ug nanlaba ang mga priso og kalit kining nilayat dihang nakakita og benta.
Nasayran sa RMN Newsteam nga kasamtangan nga gi-develop ang jail ug nakahigayon pagsibat ang duha ka priso kay didto man kini sa ibabaw nga bahin naligo niadtong panahona.
Tungod sa hitabo gi-alarma na ang kapulisan sa mga kasikbit nga lungsod aron sa posible nga pagsikop sa mga nipuga.
Gisulayan pagtawag sa RMN News si Jail Chief Inspector Sala apan nagdumili kini paghatag og pamahayag.
Mokabat sa P20,000 ang patong sa ulo sa nahisgutan nga mga priso nga nilayas, nanawagan ang otoridad sa katawhan nga motawag o mopahibalo sa numero 0921-406-1953 or 0946-941-8185 kun dunay impormasyon sa gilub-luban sa mga nitakas.
