Magapadulong subong nga aga, Nobyembre 29 sa NAPOLCOM regional office 6 sanday PO2 Napoleon Forbes kag SPO1 Alfred Tilano, ang duha ka pulis nga ginapahayag naga-surveillance sa balay ni Councilor Joshua Alim.
Ini ang ginpahayag ni NAPOLCOM investigator Allen Camiring matapos ila ginpatawag ang nasambit nga mga pulis kasunod sang pagkalamita sang ila ngalan sa nasambit nga isyu.
Suno kay camiring nga ila kuhaan sang paathag ang duha ka mga pulis kon nga-a ginasurveillance sang mga ini ang konsehal.
Sa tion nga mapamatud-an nga may nagakaigo nga rason agud kasuhan ang mga ini, ginpahayag ni Camiring nga ila pagapasakaan sang kaso administratibo nga grave misconduct sanday Forbes kag Tilano.
Una diri, ginpahayag ni Councilor Alim nga nabalaka siya sang makita nga may salakyan nga nagalibot-libot sa iya balay nga nagasurveillance nga sang ulihi iya nakilala nga amo sanday PO2 Forbes kag SPO1 Tilano.
