Davao City – Nasikop sa kapolisan ang duha ka lalaki human nakuhaan og shabu sa kapolisan sa Sta Ana atol sa gilusad nga foot patrol sa pagpanguna ni Police Officer 1 Akmad natigayon alas 12:29 sa kadlawon sa Purok 1 Roxas Extension Barangay 31-D syudad sa Davao.
Subay sa report gikan sa Sta Ana PNP, ang mga dinakpan mao sila si Insao Sebios, 28 anyos nga taga Poblacion Midsayap North Cotabato ug temporaryong nagpuyo sa may Ecoland ning siyudad ug laing usa ka Abubakar Maruhum, 31 anyos, ulitawo nga taga Purok 1 Bankerohan ning dakbayan.
Nakuha sa mga dinakpan ang usa ka pakete sa gituohang shabu gikan kang Sebios ug usa sab ka elongated heat sealed transparent plastic sachet gikan kang Maruhum.
Ang duha ka suspect daling giturn-over sa Sta Ana PNP ug balhug na sa prisohan diin mag-atubang kini og kasong kalapasan sa RA 9165 Comprehensive Dangerous Drugs Act of 2002.
RadyoMaN Don Pulayao
