Davao City – Duha ka pusher ang mag-atubang og kasong kalapasan sa RA 9165 kon Dangerous Drugs Act of 2002 human nadakpan sa duha ka Police Station atol sa managlahing buy bust operation.
Unang nadakpan sa kapolisan sa Sta Ana ang usa ka street level target naila sa pangalan Premjid Sandayan Sahipa alyas Sajid, 30 anyos residente sa Muslim Village Ilang Bunawan ning siyudad. Natigayon ang pag-aresto sa dinakpan alas 9:35 sa gabii sa Km 7 SPED area Bangkal syudad sa Davao.
Narekober sa dinakpan ang laing tulo ka sachet sa gidiling droga nga mokantidad og 4,000 pesos ug usa ka cellphone nga maoy gigamit sa dinakpan sa iligal nga transaksyon.
Ikaduhang nadakpan sa San Pedro PNP ang usa ka construction Worker human nakuhaan og shabu ala 1:30 sa kaadlawon nahitabo didto sa Rizal St.ning siyudad sa Davao. Ang dinakpan mao si Paul John Ferraren alyas Janjan, 25 anyos nagpuyo sa Purok 21, Mangahan Brgy. 76-A ning syudad.
Nakompiska sa kapolisan gikan sa dinakpan nga si Ferraren ang usa ka sachet sa gituohang shabu, buy bust money ug illegal drug paraphernalia.
Sa imbestigasyon nga gilusad sa kapolisan si Ferraren nalambigit sa pagpanguot ug pagpangawat sa area of responsibility sa San Pedro PNP.
Ang mga dinakpan balhug na sa prisohan.
RadyoMaN Don Pulayao
