Davao City – Duha ka mga pusher sikop sa kapulisan atol sa gipahigayong buy bust operation sa San Pedro PNP ug Sta Ana PNP.
Sikop ang usa ka driver sa San Pedro Pnp human nakuhaan og gituohang shabu natigayon alas 4:20 sa kaadlawon sud panimalay sa iyang kalive-in partner nahimutang sa Gumamela St. Barangay 5-A siyudad sa Davao.
Base sa report gikan sa San Pedro Pnp naila ang dinakpan usa ka Samuel Dumandan alyas Odong 32 anyos residente sa nasangpit nga lugar.
Matud pa positibong napalitan og droga ang suspek gamit ang 15,000.00 buy bust money sa usa ka poseur buyer.
Nakuha sa dinakpan ang usa ka green/black sling bag ug pouch,duha ka dagkong square shape transparent heat sealed sachet nga gituohang shabu, usa ka small transparent heat sealed sachet nga mukantidad og 122,000.00 pesos lakip nakompiska ang 15,000.00 pesos nga buy bust money ug usa ka cellphone nga maoy gigamit sa suspek sa iligal nga transaksiyon.
Samtang naaresto usab ang usa ka 18 anyos sa Sta Ana PNP atol sa gilusad nila nga buy bust operation alas -11:35 sa kabuntagon sa Riverbed Barangay 21-C syudad sa Davao.
Ang suspek mao si Justine Degesan,ulitawo ug residente sa nasangpit nga lugar.
Narekober sa suspek ang duha ka mga heat-sealed transparent plastic sachet nga gituohang shabu lakip ang mga drug paraphernalia ug buy-bust money.
Ang mga dinakpan balhug na sa prisohan samtang gihikay na sa kapolisan ang kasong kalapasan sa R.A. 9165 kun Comprehensive Dangerous Drugs Act of 2002.
RadyoMaN Don Pulayao
