Davao City – Sikop ang duha ka mga tigpayuhot og iligal nga droga atol sa gilusad nga drug buy-bust operation sa Sta.Ana PNP.
Giaresto sa kapulisan si Ali Jimlani, 39 anyos nga taga Barangay 21-C Piapi Boulevard ning syudad.
Gilusad ang buy-bust alas-12:15 sa kadlawon ug gidakop ang maong suspek human kini napalitan og shabu sa usa ka poseur buyer.
Narekober sa dinakpan ang duha ka rectangular shape heat sealed transparent sachet ug laing pang siyam ka elongated heat sealed transparent plastic sachet lakip nakuha ang buy bust money nga P1,000 ug mga drug paraphernalia.
Samtang arestado usab ang usa ka street level target nga babae human kini napalitan og shabu atol sa gilusad nga drug buy bust operation sa nasangpit nga police station.
Ang suspek mao si alyas Miray nga taga Purok 1 Boulevard ning siyudad.
Narekober sa dinakpan ang usa ka sahet nga gituohang shabu, lima ka rectangular heat sealed transparent plastic sachet ug 500 pesos buy bust money.
Ang mga dinakpan balhug na sa prisohan sa Sta.Ana ug mag atubang kini og kasong kalapasan sa sa RA 9165 kon Comprehensive Dangerous Drugs Act of 2002.
RadyoMaN Don Pulayao
