Davao City – Nadakpan sa kapolisan sa San Pedro ang duha ka mga tigpayuhot og druga atol sa gilusad nga buy bust operation sa ilang area of responsibility.
Sa report nga nahipos gikan sa San Pedro PNP unang nadakpan si Abdulhamid Sulaiman alyas Lover 54 anyos nga taga Brgy 23-c Mini Forest alas 6:40 sa kagabhion.
Nakuha sa dinakpan ang usa ka sachet sa gituohang shabu, usa ka cellphone nga maoy gigamit sa iligal nga transaksiyon lakip nakuha ang buy bust money nga 500.00 pesos.
Samtang ikaduhang nadakpan sa buy bust operation natigayon alas 8:10 sa kagabhion mao si Rhian Lim Apole alyas Yanyan, 37 anyos.
Nakuha sa suspek ang usa ka gituohang sachet sa shabu, usa ka cellphone ug buy bust money nga 500.00 pesos.
Ang duha ka mga dinakpan balhug na sa San Pedro PNP ug mag-atubang og kasong kalapasan sa RA 9165 kun Comprehensive Dangerous Drugs Act of 2002.
RadyoMaN Don Pulayao
