Davao City – Giaretso sa kapulisan sa Sta Ana ang duha ka mga lalaki human naaktuhan nga namaligya og iligal nga droga subay sa mas gipakusgang anti-illegal drugs operation karon sa kapulisan.
Pinaagi sa buy-bust, sikop si Indah Ulna Burahan, 30 anyos, taga Purok 8 Barangay 31-D syudad sa Davao alas 12:30 kadlawon.
Matod pa positibong napalitan ang suspek og gituohang shabu sa kantidad nga 500 pesos rason sa pagkaaresto niini.
Narekober sa kapolisan gikan kang Burahan ang duha ka sachet sa shabu lakip nakompiska ang mga drug paraphernalia.
Samtang, balhug usab sa prisohan si Brian Almero, 44 anyos, ulitawo nga taga-Barangay 22-C ning syudad human kini naaktohang namaligya og shabu samtang nag patrolya ang kapulisan sa naasoy nga barangay.
Nakuha kang Almero ang usa ka gituohang sachet sa shabu ug mga drug paraphernalia.
Ang duha anaa na sulod sa prisohan sa Presinto 1 ug mag atubang kini og kasong kalapasan sa R.A 9165 kon Comprehensive Dangerous Drugs Act of 2002.
RadyoMaN Don Pulayao
