Davao City – Gipasakahan na og kaso sa Prosecutor’s Office sa kalapasan sa Akta Republika 9165 kun Comprehensive Dangerous Drugs Act of 2002 batok sa duha ka drug pusher human nakuhaan og shabu atol sa gilusad nga buy bust operation sa pagpanguna sa Philippine Drug Enforcement Agency (PDEA).
Kahinumdoman ang unang nasikop ang nailang usa ka Majed Magimon 27 years old, minyo ug residente sa Purok Katipunan, Barangay Madaum, Tagum City, Davao del Norte diin nakompiskahan og usa ka sachet sa gituohang shabu nga adunay 1,000 pesos estimated street value lakip nakuha ang drug paraphernalia ug buy bust money.
Samtang laing nadakpan usa ka Joel Graviles Capilitan Jr. alyas Jay-Ar, 30 anyos, usa ka traffic enforcer ug residente sa Purok Malinis, Tagum City, Davao del Norte, diin nakuhaan og usa ka small sachet sa gituohang shabu lakip ang usa ka motorsiklo nga maoy gigamit sa suspek sa iligal nga transaksyon.
Ang duha ka dinakpan nga sila Magimon ug Capilitan balhug na sa detention cell sa PDEA-XI.
RadyoMaN Don Pulayao
