Davao city – Balhog sa selda sa Buhangin Pnp ang duha ka lalake human nadakpan sa kapulisan nga nanabong sa Purok 15, Barangay Indangan, Distrito sa Buhangin ning siyudad sa Dabaw.
Subay niini, pasakaan og kaso subay sa kalapasan sa illegal gambling ang duha ka sabongero nga mao sila Gerald Mosni, 38 anyos, minyo, driver, ug nagpuyo sa Barangay Acacia, Buhangin District.
Naghimas na sab sa rehas si Rene Amper, 36 anyos,minyo, driver, ug residente Sa Barangay Malagamot, Panacan.
Ang duha mao ra’y naabtan ug nadakpan sa pagronda sa kapulisan sa lugar diin ang uban nilang mga kaubanan nakasibat human ilang nasimhotan nga nagsingabot ang mga otoridad 5:40 sa hapon.
Nakuha sa mga dinakpan ang 500 pesos nga pusta, duha ka samaron nga manok nga gisabong ug gamiton matud pa kini nga ebidinsiya sa pagsang-at og kaso sa piskalya batok kanila.
Nasayran gikan kang Police Chief Inspector Jack Tilcag, hepe sa Buhangin Pnp nga mipaabot og sumbong ang mga residente nga dunay nagsabong sa mao nga dapit busa miaksyon gilayon kapulisan.
RadyoMaN Joel Viray
