Sa interview sa DXDC RMN Davao kang Police Lieutenant Joe Marlon Cabe, ang Chief Investigator sa Tagum City Police Station, iyang giila ang negosyante nga mao si Reynaldo Nuqui.
Gibutyag ni Cabe nga duha ka sakyanan ang nadamyos human milapos ang bala sa pikas nga wala mabantayi sa duha ka drivers.
“Kay mismong katong duha nga na-involve nga na-damage ang sakyanan, wala sila nakabantay. Dili sad nila matubag kung kinsa [suspect] ug unsa ang gisakyan. Nakadungog lang gyud silag buto unya pagbantay nila sa ilang samin, naa nay damage. Katong isa gani abi niyag gibato ra siya og bato,” matud sa pulis.
Sa inisyal sab nga imbestigasyon, gisaysay ni Nuqui nga wala kini kabangi ug wala siyay nadawat nga death threat ayha nahitabo ang pagpamusil.
Sa pagkakaron, nagatuyok na ang kapulisan sa shooting incident area sa pamasin nga makahipos sila og mga CCTV footages.
RadyoMaN Ivy Parido
