Duha ka sekyu nanion sikop

21

Davao City – Gipangsikop sa kapulisan sa Bunawan PNP ang duha ka security guard sa RQA Security Agency human nanion sa ilang armas alas 11:00 sa gabii nahitabo sa International Food Manufacturing Company sa Bunawan District, siyudad sa Davao.

Sa blotter sa Bunawan PNP, ang mga suspek gipang-ila mao sila si Randy Gabulane, 26 anyos, nagpuyo sa Mati City, Davao Oriental ug Gedion Singson, 28 anyos, residente sa Matalam, North Cotabato.

Matud pa gireklamo kining duha ka guwardya sa mga trabahante sa naasoy nga kompanya human gipantiunan ug gipasalbahan ang mga complainant nga mao sila si Juverniel Catigum, Rossel Manlunas ug Johnrey Dureg sa way igong hinungdan.

Naaresto ang duha ka guwardya ug nakuhaan og usa ka .38 revolver lakip mga bala, usa ka basiyo ug usa ka shot gun.

Ang duha ka dinakpan under custody na sa Bunawan PNP ug mag-atubang og kasong kalapasan Sa Grave Threat and Illegal Discharge of Firearms.

RadyoMaN Don Pulayao

Facebook Comments