READ! Duha ka Spanish Nationals nadisgrasya sa National Highway sa Baybay, Burgos, Surigao Del Norte. Tagkilaya an mga biktima na sakay sa motorsiklo na sila ni Jose Peinados, 29 anyos ug backrider na si Sara Daoud,35 anyos, lumad na taga-Spain . Sa inisyal na imbestigasyon nan PNP Burgos pinaagi ni Senior Inspector Reovic Matildo, an mga Spanish Nationals gikan sa Brgy. Alegria, Sta. Monica sakay nan motorsiklo, pag-abot sa lugar na tagkahitabuan, may nakasugat sila na laing motorsiklo na tagmaneho ni Junrey Espenido Figuron na may karga na duha ka sako na kopras. Kalit lamang na nahuyog an kopras, nag-zigzag an dayagan sa motor, nawad-an nan kontrol an driver hangtud na mikawat sa pikas lane, diretso na mibangga sa kasugat na motorsiklo na tagsakyan sa mga Spanish Nationals. Sa amo na disgrasya miresulta ini sa pagkabali sa bukog sa waya na siki ni Peinados lakip an bali isab an kamot ni Figuron. An backrider na si Daoud an mga gagmay na bun-og ug samad ra an naangkon. Sila ni Peinados ug Figuron an pareho tagdaya sa isa sa mga hospital diri sa Surigao City para operahan. Tagsang-atan na isab nan mga otoridad si Figuron nan kasong Reckless Imprudence Resulting to Serious Physical Injuries. > > > > > >
