Arestado sang Dumangas PNP ang duha ka subject sang buy bust operation alas 8:30 sini lamang nga gab-i sa barangay Pagdugue, Dumangas, Iloilo.
Ginkilala ang mga subject nga sanday Olga Delgadoi, 39 anyos sang Tabuc Suba, Barotav Nuevo kag si Roscen Besete sang barangay Tiwi, Baroitac Nuevo, Iloilo.
Suno kay Police Chief Master Sgt. Roger Parcon nga ginhiwat nila ang transaksyon sa Barotac Nuevo kag nagkasugot nga magadaw-anay sa barangay Pagdugue, Dumangas.
Ginpahayag nu Parcon nga balor 15 mil pesos ang buy bust money nga ila gingamit para sa duha ka sachet sang shabu nga ila pagabaklon.
Matapos gindaho sang mga suspek sa poseur buyer ang druga, gilayon nga gindakop ang mga ini kag nakuhaan sang dugang nga lima ka sachet sang suspected shabu nga ginabanta nagabili sang 35 mil pesos.
Dugang pa ni Parcon nga base sa ila pag-imbestigar sa mga subject, nagakuha ang mga ini sang supply sang druga sa siyudad sang Bacolod.
