Davao City – Patay nang nadiskubrehan sa iyang mga paryente si alyas ‘Lasoy’, 57 anyos, ulitawong guwang nagpuyo sa Barangay Basiawan, Sta. Maria Davao Occidental alas 3:00 pasado sa kadlawon.
Sa imbestigasyon, gigamit sa biktima ang iyang bakos nga gihigot sa iyang liog hangtud nga kini namatay sulod sa ilang panimalay.
Nasayran nga adunay balatian ang biktima nga dugay na niyang gibati.
Sa samang bahin, patay na usab nga nakaplagan sa iyang bana ang biktima sa paghikog nga si alyas ‘Ruth’, 26 anyos, nagpuyo sa Sitio Guadalupe, Barangay Catalunan Grande, Davao City, alas 11:00 sa kagabhion.
Sa imbestigasyon sa kapulisan, nadiskubrehan sa bana nga si alyas Rocky ang iyang asawa nga nagbitay na sulod sa comfort room rason nga dali niya kining gibadbaran sa pisi ug gidala sa Southern Philppines Medical Center (SPMC) apan gideklara kini ni Dr. Exequiel Dimaano nga dead on arrival.
Ang duha ka mga kaso sa suicide padayong gi-imbestigahan karon sa mga otoridad aron sa pagseguro nga walay foul play sa gidangatan sa mga biktima.
RadyoMaN Erin Lumosbog
