Detinado sa Damulog Municipal Police Station sa Bukidnon ang duha ka mga sundalo human nga nanghulga sa usa ka habal-habal driver.
Naila ang mga sundalo nga silang Private First Class kon PFC Ram Kevin Reynalda, 23 anyos, ulitawo, miyembro sa 89th IB Philippine Army, taga Davao del Norte apan kasamtangan nga nagpuyo sa P-1 San, Isidro, Damulog Bukidnon ug PFC Romelou Canobas, 24 anyos, ulitawo, miyembro sa 66th IB Philippine Army, taga Purok 2- Pocopoco, Damulog, Bukidnon.
Nasayran nga nag-inum ang duha sulod sa usa ka karenderya apan nakaaway niini ang habal-habal driver nga biktima nga si Rogelio Coles, minyo, 28 anyos, taga P-2 Kitingting sa maong lugar.
Giingong alleged nga gihulga ang biktima ni PFC Reynalda, dala sa pagkuha sa armas niini sa iyang sling bag ug gitutok sa biktima.
