Ipil, Zamboanga Sibugay – Usa ka opisyal sa Armed Forces of the Philippines ug usa ka corporal ang nadakpan sa gipahigayon nga entrapment operation sa Barangay Sanito, sakop sa lungsod sa Ipil, Zamboanga Sibugay alas 12:15 kagahapon sa kadlawon.
Sa report nga nahipos sa DXPR gikan sa Police Regional Office 9, nalambigit ang duha ka sundalo sa gun smuggling nga nailang sila si Cpt. Cristopher Eslava ug Cpl. Ryan Larot.
Nakuha gikan kanila ang pipila ka armas, granada, bala ug P1.2 milyon nga boodle money.
Sumala sa Western Mindanao Commander Lieutenant General Corleto Vinluan Jr., gi-imbestigahan na sa militar ang duha ka suspek.
Gikustodiya na karon sa Ipil Municipal Police Station ang duha ka suspetsado.
Facebook Comments
