Davao City – Na-neutralisa ang duha ka mga suspetsadong tulisan human misukol sa gipahigayong anti-illegal drugs operation sa San Pedro PNP ala-1:40 kaganihang kadlawon nahitabo sa sulod sa usa ka videoke bar, Magallanes, Brgy. 2-A ning syudad sa Davao.
Sa record sa Davao City Police Office (DCPO), giila ang mga suspek nga sila si Jessie Moran, 18 anyos, ulitawo, kanhing Childern in Conflict with the law (CICL), residente of Talisay, Times Beach, Brgy. 76-A ning syudad, ug laing usa ka alyas Dodoy Taba nga pulos suspek matud pa sa kasong pagpanulis, kawat ug pagkalambigit sa iligal nga druga.
Matud pa nga namusil ang mga suspek human nila namatikdan nga pulis ang ilang gika-transak atol sa ilang pagpamaligya og marijuana apan pulos kining patay sa dihang gibalusan sila sa mga pulis.
Narekober sa mga suspek ang pinaugang marijuana nga nagkantidad og P2,000, .38 revolver nga walay serial number, mga buhing-bala, sumpak, ug usa ka bag sa babaye.
Anaa na karon sa kustodiya sa Scene of the Crime Operatives (SOCO) ang mga narekober samtang gidala na sa Angel Funeral Homes ang patay’ng lawas sa mga biktima.
RadyoMaN Jason Amisola
