Duha ka suspek nga nagbaligya sa druga, sikop

Nasikop sa drug buy bust operation sa Divisoria Police Station ang duha ka mga suspect  nga nagbaligya sa illegal drug sa Divisoria ning syudad sa Cagayan  de Oro.

 

Matud ni Chief Inspector Julius Macariola, Hepe sa Divisoria Police Station nga ang duha ka mga suspek mao silang Vivian Dormino, 39 anyos ug taga Sitio Tibasak, Macasandig ug Marry Rose  Banzon, 33 anyos nga taga Room H-King William Inn,  Cruz Taal ning syudad.

 

Ang duha ka mga suspek gidakop sa mga elemento sa Divisoria Police Station mga alas 2:10 kagahapon sa hapon atol sa ilang drug buy bust operation sa Barangay 7 ning syudad.


 

Nakuha sa mga police gikan sa maong mga suspect  ang usa ka paketeng suspected SHABU, 500 pesos nga buy bust money ug cellphone.

 

Samtang sa Barangay Kauswagan, gisaksihan ni RadyoMaN Jonathan Bullo ang drug buy bust operation nga gilunsad sa Agora Police station sa Saarenas Avenue, Barangay Kauswagan ning syudad mga alas 8:40 sa gabie niadtong Sabado, Nobyembre 10.

 

 

Atol sa maong operasyon nadakpan sa mga police sa Agora ang duha ka mga suspek nga silang Art. Joseph Yare, 26 anyos nga usa ka sticker artist ug taga NVPASS Lapasan ug Jonny Rapana, 32 anyos nga usa ka Barbero ug taga Zone 5, Kauswagan ning syudad.

 

Nakuha gikan sa duha ka mga suspek ang suspected SHABU nga mokabat sa 0.05 grams nga mokantidad sa usa ka libo ka pesos.

 

Lakip sa nakuha sa mga otoridad ang  500 pesos drug buy bust money.

 

Ang  maong mga suspek gitakda nga karong adlawa pasakaan na sa kasong violation sa Republic Act 9165 kon Comprehensive Dangerous Drug Act of 2002.

Facebook Comments