Duha ka suspetsado nga nadakpan sa pagdagit sa anak sa mayor sa lungsod sa Labason, gikasohan

Labason, Zamboanga del Norte – Kasong kidnapping ug serious illegal detention ang gipasaka sa Labason PNP didto sa opisina sa piskal sa lungsod sa Sindangan, ning lalawigan sa Zamboanga del Norte, mga alas 3:18 sa kahaponon, batok sa duha ka dinakapan nga giingong nalambigit sa pagdagit ni Jelster Ed ” Jed ” Quimbo y Tiu, anak ni Mayor Eddie Quimbo sa Labason, niadtong gabii sa Septiyembre 6, 2017.

Ang mga suspek giila nga si Soudi Pondusan Banguih, 36 anyos, minyo ug residente sa Barangay Danganon, lungsod sa Sirawai ug Edilberto Sarmago Albino, 61 anyos, minyo ug residente sa Barangay Antonino, lungsod sa Labason.

Kinsa polos na-arresto sa mga personahe sa Zamboanga Del Norte Provincial Public Safety Company sa mayBarangay Poblacion, Sirawai, Zamboanga Del Norte sa niaging alas 3:00 sa hapon niadtong Septembre 7, 2017.


Ang kasong kidnapping ug serious illegal detention docketed under I.S. No. IX-07-INQ-171-1124 nga gipirmahan ni Hon Rainier V. Maningo, Prosecutor II, Fiscal’s Office sa Sindangan, Zamboanga Del Norte.

Ang pag-ila sa mga suspek base sa CCTV footage ug pagkumpirma sa testigo nga kauban sa biktima atol sa insidente diin positibo niyang giila ang duha (2) ka mga nasikop nga mga suspetsado kinsa nahilambigit ug kauban sa mga abductors atol sa insidente

Ang duha ka mga suspetsado gipriso karon sa Labason Municipal Police Station. (-r.m-)

Facebook Comments