Tukuran, Zamboanga del Sur – Nadakpan sa gipahigayon nga joint entrapment operation sa mga kapolisan Tukuran sa pagpangulo sa hepe nga si Police Captain Jubail Grar kauban ang mga kapolisan nga gikan sa Provincial Intelligence Unit sa pagpangulo ni Police Col. Oscar T. Buenaobra alas 11:50 sa gabie adlaw nga martes sa AJ Beach Resort, Barangay Lower Bayao, Tukuran, Zamboanga del Sur.
Ang duha ka mga suspitsado naila sa mga pangalang Muktar Sapparani Jamud, 37 anyos, balo, negosyante,lomolopyo sa Purok Riverside, Barangay Olingan, Dipolog City ug Reyna Jane Payla Vicente, 32 anyos, bulag, residente sa Purok Santan, Barangay Lower Dimaya, Dinas, Zamboanga del Sur.
Nakuha gikan sa possession sa mga dinakpan ang atol sa operation ang 150 mil ka pesos nga boodle ug 1, 500 ka pesos nga maoy gihimong mark money.
Sa imbestigasyon sa kapolisan nasayran nga ang biktima naila sa pangalan nga si Jasmine G Nejarda, 23 anyos, babaye, minyo, residente sa Barangay Poloyagan, sakop ning syudad.
Ang biktima ang gihulga kini sa mga suspitsado nga kon dili muhatag sa maong kantidad ibutyag sa mga suspek nga dunay karelasyon nga laing lalaki ang biktima.
Ang mga dinakpan ang gibalhug na sa presohan sa Tukuran Municipal Police Station alang sa tukmamg disposasyon.
