Pagadian City – Naaresto ang duha ka tag-as nga opisyal sa rebeldeng komunista sa Western Mindanao sa Purok Makabibiyak, Barangay Balangasan, syudad sa Pagadian .
Ang tropa sa 102nd Infantry (Igsoon) Brigade ubos sa pagmando ni BGEN JACINTO BARENG AFP; 53rd Infantry (Matapat) Battalion nga gipangunahan ni LTC VIRGILIO HAMOS JR, Bravo Company, 5th Infantry Battalion ug elemento sa Criminal Investigation and Detection Group (CIDG) X maoy nakasikop sa mga suspek.
Giila ang nadakpan nga si Rosario “Rowena” Delacamba Tabanao, maoy Finance Officer ug Leonardo “Jasper” Decena Jacotin, Logistics Officer, sa Western Mindanao Regional Party Committee (WMRPC).
Si Jacotin ang pangulo matud pa sa Ordnance and Explosives sa WMRPC og nalambigit usab sa large-scale extortion activities, samtang Rosario Tabanao mao ang Executive Committee nga nalambigit usab sa robbery, extortion; pagpatay ug kaso sa pagpayuhot sa iligal nga armas.
Nakuha sa ilang posisyon ang cal .45 pistoal, granda, usa ka magazine nga dunay walo ka bala cal .45 pistol, mga AK47 assault rifle, mga identification cards og 17 ka cellphones.
Ang pagsikop gipasikad sa gahom sa Search Warrant sa pagbaton og Unlicensed Firearms ug Illegal Possession sa mga eksplosibo nga gipagawas sa Branch 18, RTC 9 ug Arrest Warrant nga walay pyansa batok Rosario Tabanao sa kasong Murder and Robbery.
